As altas temperaturas disparan a contaminación por ozono en Vigo

A concentración de ozono malo no aire superou as recomendacións da Organización Mundial da Saúde e os obxectivos legais da Unión Europea durante un dos veráns máis calorosos dos últimos anos en Vigo.

Así o reflicte Ecoloxistas en Acción no informe anual que acaba de presentar sobre a incidencia deste gas contaminante en todo o país. O ozono da estratosfera protéxenos da radiación ultravioleta ao filtrar os raios do sol. Con todo, hai outro ozono prexudicial para a saúde que se forma preto da superficie terrestre pola combinación da radiación solar con gases de efecto invernadoiro.

Os ecoloxistas obtiveron este verán datos das estacións de medición de Coia, Lope de Veiga e na estación de PSA Peugeot-Citroën. En Coia, durante 16 días e en períodos de oito horas a presenza de ozono malo no ambiente foi superior ao valor recomendado pola OMS de 100 microgramos por metro cúbico de aire. Cinco días a concentración superou a barreira dos 120 microgramos, superando a referencia europea.

A estación do colexio Lope de Veiga rexistro 14 días nos que a presenza de aire prexudicial para a saúde era superior a 100 microgramos e catro nos que se disparou por encima dos 120.

A maior incidencia rexistrouse no observatorio da factoría de Citroën. Aquí contabilizáronse 28 días en horario de oito horas con niveis de ozono superiores ao aconsellado pola OMS e sete días por encima dos 120 microgramos por metro cúbico. Este verán rexistráronse en Vigo dúas horas críticas cuns niveis superiores aos 180 microgramos por metro cúbico de aire nas que a poboación debería de ser advertida.

A contaminación por ozono troposférico incide na aparición e agravamento de enfermidades de tipo respiratorio, así como outras asociadas como as cardiovasculares. En situacións de elevada concentración, recoméndase non desenvolver ningún tipo de exercicio ou esforzo físico.

O ozono que nace nas grandes zonas urbanas desprázase posteriormente transportado polas correntes de aire fóra das mesmas, afectando a áreas periurbanas e rurais, máis ou menos afastadas. Por exemplo, en Ponteareas respiraron este verán durante 20 días niveles de ozono superiores ao aconsellado pola OMS e cinco por encima dos valores que marca a normativa europea como obxectivo legal, segundo os datos que tamén achega Ecoloxistas en Acción.

A zona sur é a máis afectada polo ozono en Galicia. O informe conclúe que nesta área onde habitan 650.000 habitantes, o 24 % da poboación, respirou un aire daniño para a saúde.Os vehículos privados son os principais axentes emisores en Vigo, sen esquecer o papel das furgonetas de repartición, que a miúdo están moi mal mantidas.

O incremento de automóbiles diésel fronte aos de gasolina contribuíu tamén ao aumento dos óxidos de nitróxeno, xa que os diésel emiten unha proporción moito maior. A actividade que se xera no porto e no aeroporto tamén a creación destes gases que nin ven nin se cheiran.

                  
                                                                                     Imaxen: Óscar Álvarez


Vídeo da contaminación de ozono.